Ці варта купацца ў стане алкагольнага ап'янэння?

Улетку асабліва ўзрастае колькасць няшчасных выпадкаў на вадзе «Спёка, абязводжванне і паскораны кровазварот прыводзяць да таго, што нават невялікія дозы алкаголю ўсмоктваюцца хутчэй і дзейнічаюць мацней.

Контроль над сабой і сітуацыяй губляецца імкліва, пагаршаецца каардынацыя і губляецца сіла, неабходныя для плавання». Таму спіртныя напоі — галоўныя саўдзельнікі ўтаплення. Яны прытупляюць пачуццё небяспекі і інстынкт самазахавання („я змагу даплысці!“). Нельга змешваць гэтыя два задавальненні — купанне і выпіўку. «П'яны ў вадзе — напалову патапельнік» — гаворыць мудрая народная прымаўка. Нецвярозы чалавек не ў стане адэкватна ацэньваць сітуацыю і можа здзяйсняць учынкі, якія ніколі б не здзейсніў у цвярозым стане.
Неабходна памятаць, што ў нецвярозага чалавека шанцы патануць шматкроць павышаюцца. У большасці выпадкаў надзвычайныя здарэнні адбываюцца падчас распіцця спіртных напояў, пры заплыве ў нецвярозым стане, купанні ў забароненых месцах, дзе няма выратавальных станцый.
У нецвярозага чалавека:
⚠️ прытупляецца пільнасць. Ён пераацэньвае свае сілы і заплывае занадта далёка;
⚠️ парушаецца каардынацыя. Алкаголь тармазіць рухі, збіваецца тэмп дыхання, купаючыся захопліваецца вадой і ідзе на дно;
⚠️ дрэнна адчуваецца тэмпература вады;
⚠️ часцей узнікаюць курчы рук і ног.
Толькі ў бягучым годзе падчас купальнага сезона на тэрыторыі Лепельскага раёна патанула 3 грамадзяніна, якія знаходзіліся ў стане алкагольнага ап'янэння.
ОСВАД нагадвае:
У адпаведнасці з рашэннем Лепельскага раённага выканаўчага камітэта № 704 ад 6 чэрвеня 2024 года вызначаны месцы масавага адпачынку грамадзян (гарадскі пляж, пляж аз. Святое, пляж Лепельскага ваеннага санаторыя, КУП ДРАЦ "Жамчужына", пляж в. Бароўка), а таксама забароненыя месцы для купання ў вадаёмах-капанях, прызначаных для забеспячэння супрацьпажарнага водазабеспячэння раёна, а таксама месцы, якія не вызначаны рашэннем Лепельскага раённага выканаўчага камітэта для адпачынку грамадзян.

Правілы паводзін на вадзе
Наведвайце толькі абсталяваныя пляжы, дзе ёсць усе сродкі для выратавання і аказання першай дапамогі. У незнаёмых вадаёмах дно можа несці небяспеку ў выглядзе разбітых шклаў, карчакоў, металічных прутоў і іншага смецця.
Нельга купацца ў забалочаных месцах і там, дзе ёсць ціна і водарасці. Лепш за ўсё выбіраць вадаёмы з пясчаным дном або галькай.

Працягласць купання павінна залежаць ад тэмпературы паветра і вады, а таксама ад сілы ветру.
Рэкамендаваная тэмпература навакольнага асяроддзя не менш за +20°С пры ясным бязветраным надвор'і.
Апускацца ў вадаём трэба паступова, асабліва калі цела моцна разагрэта сонцам.
Бяспека на вадзе летам не дапускае грубых гульняў з апусканнем і ўтрыманнем пад вадой.
Купацца пасля ежы можна толькі праз 1,5-2 гадзіны.
Працягласць купання не павінна перавышаць 15-20 хвілін.

Асобам, якія наведваюць пляжы, забараняецца:
- купацца ў забароненых для купання месцах, а таксама ў цёмны час сутак;
ужываць на пляжах алкагольныя, слабаалкагольныя напоі, піва, наркатычныя сродкі, псіхатропныя рэчывы, іх аналогі, таксічныя або іншыя адурманьваючыя рэчывы;
купацца ў стане алкагольнага ап'янення і (або) у стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў;
- заплываць за межы, якія абазначаюць акваторыю пляжу;
- падплываць да судоў, плывучых аб'ектаў;
- узбірацца на тэхнічныя і папераджальныя знакі, буі, іншыя прадметы;
- плаваць на спартыўным інвентары, дошках, ляжаках, бярвёнах, аўтакамерах, надуўных матрацах, іншых прадметах;
- выкарыстоўваць выратавальныя сродкі і рыштунак не па прызначэнні;
- арганізоўваць гульні ў вадзе, звязаныя з ныраннем і захопам купаючагася, а таксама здзяйсняць іншыя дзеянні, якія могуць стаць прычынай няшчаснага выпадку;
- падаваць ілжывыя сігналы трывогі;
- пакідаць дзяцей да 14 гадоў без нагляду;
- сціраць бялізну, мыць транспартныя сродкі, купаць жывёл.
- Забараняецца скакаць у ваду з судоў, плывучых аб'ектаў, мастоў, прычалаў, плацін, дамбаў, іншых гідратэхнічных збудаванняў і прылад, а таксама заход, манеўраванне і стаянку судоў у раёне пляжу і месцаў купання, межы якіх агароджаны буямі.

Захаванне элементарных мер бяспекі на водных аб'ектах у летні перыяд дазволіць Вам зрабіць адпачынак бяспечным.

Начальнік Лепельскай выратавальнай станцыі Міхно І.А.